आज :

ताजा समाचार

नेपाल र बंगलादेश बिच भोलि महिला फुटबल खेल हुदै

  पुरुषोत्तम ढकाल    २३ भाद्र २०७८, बुधबार २०:००      86 Views

काठमाडौं: एएफसी महिला एसियन कप छनोट–२०२२ अघि बंगलादेशसँग तय भएको दुई मैत्रिपूर्ण खेल अन्तर्गत (बिहीबार) भोलि नेपालले भ्रमणकारी टोलीसँग पहिलो खेल खेल्दै छ ।

बुधबार गरिएको प्रि–म्याच कन्फरेन्समा दुबै देशका प्रशिक्षक नजिता निकाल्न आत्मविश्वासी भएको प्रतिक्रिया जनाए । दुई मैत्रिपूर्ण खेलका लागि बंगाली टोली सोमबार नेपाल आइपुगेको हो ।

उज्वेकिस्तानमा आयोजना हुने एएफसी महिला एसियन कप–२०२२ छनोट अघि बंगलादेशसँग दुई मैत्रिपूर्ण खेल खेल्न लागेको हो । मैत्रिपूर्ण खेलका लागि नेपाली टोलीको तयारी पूरा भएको र प्रतिस्पर्धा गर्न आतुर रहेको नेपाली टोलीका मुख्य प्रशिक्षक ग्यारी फिलिप्सले बताउनुभयो ।

दर्शकले रंगशालामै गएर खेल हेर्न पाउने भएका छन् । एन्फाले उक्त खेलको टिकट मूल्य सामान्यतर्फ २ सय र भीआईपीमा ५ सय रुपैयाँ तोकेको छ । एएफसी महिला एसियन कप–२०२२ छनोट अन्तर्गत नेपाल समूह एफ मा रहेको छ । नेपाल सम्मिलिग समूहमा हङकङ र फिलिपिन्स रहेका छन् ।


प्रतिक्रिया दिनुहोस