काभ्रे: बनेपा नगरपालिका–७ तरकारी बजारस्थित रुकेश ठकुरीको घरमा आज बिहान आगलागी हुँदा ५ जना घाइते भएका छन् ।
घरको तेस्रो तलामा रहेको भान्सा कोठामा भएको ग्याँसको पाइपको बीचबाट ग्याँस चुहिएर आगलागी भएको बताइएको छ।
आगलागी बाट घाइते हुनेमा रुकेश ठकुरी, उहाँकी श्रीमती शोफिया ठकुरी र डेढ वर्षकी छोरी रचना ठकुरीकासाथै उहाँका आफन्त आयुश ठकुरी र मनिष शाह ठकुरी रहेका छन्।
घाइतेहरुको तत्काल उद्धार गरी बनेपास्थित शिर मेमोरियल अस्पतालमा उपचार गरी थप उपचारका लागि काठमाडौं किर्तिपुर वर्न सेन्टरमा रेफर गरिएको प्रहरीले जानकारी दिएको छ ।
