आज :

ताजा समाचार

कोरोना भाइरसका कारण १९० राष्ट्र प्रभावित, १६ हजार ४ सय भन्दा बढीको मृत्यु

  पुरुषोत्तम ढकाल    ११ चैत्र २०७६, मंगलवार ०७:००      434 Views

काठमाडौं: विश्वभर महारामारीको रुपमा फैलिरहेको नोबल कोरोना भाइरस कोभिड–१९ का कारण १९० राष्ट्र प्रभावित भएका छन् ।
विश्वभर १६ हजार ४ सय ६० जनाको मृत्यु भएको छ । ३ लाख ७७ हजार ९ सय ५९ जनामा भाइरस संक्रमणको पुष्टि भइसकेको छ ।
संक्रमितहरु ठूलो संख्यामा उपचार पछि निको पनि भएका छन् । पछिल्लो तथ्यांक अनुसार १ लाख ६ सय ४२ जना संक्रमित उपचारपछि निको भएका छन् ।
यता, चीनबाट सन् २०१९ को डिसेम्बरमा सुरू भएपनि अहिले युरोप यसको केन्द्रविन्दु बनेको छ ।
सबैभन्दा धेरै मानिसको मृत्यु इटलीमा भएको छ । त्यहाँ कोरोनाका कारण मृत्यु हुनेको संख्या ६ हजार ७७ पुगेको छ ।
बुढ्यौली जनसंख्या बढी रहेको इटालीमा दैनिक मृत्युदर निकै कहालीलाग्दो अवस्थामा छ ।
६३ हजार ९ सय २७ जना सङक्रमित रहेको इटालीमा ७ हजार चार सय ३२ जना उपचारपछि घर फर्किएका छन् ।
मध्यपूर्वका राष्ट्रहरुमध्ये इरानमा कोरोना भाइरसको संक्रमण सबैभन्दा डरलाग्दो अवस्थामा छ ।
त्यहाँ कोरोनाकै कारण १ हजार ८ सय १२ व्यक्तिको मृत्यु भइसकेको छ भने २३ हजार ४९ जना संक्रमित छन् ।
स्पेनमा मृत्यु हुनेको संख्या २ हजार २ सय ९९ पुगेको छ । संक्रमितको संख्या पनि बढेर ३५ हजार ६८ पुगेको छ ।
जर्मनीमा २ हजार २ सय ९९ जनाको मृत्यु भएको छ भने २९ हजार ५६ जना संक्रमित छन् ।
अमेरिकामा ५ सय ४६ जनाको मृत्यु भएको छ भने ४३ हजार ५ सय ८५ जना संक्रमित छन् । फ्रान्समा ८ सय ६० जनाको मृत्यु भएको छ ।
१९ हजार ८ सय ५६ जना संक्रमित छन् । दक्षिण कोरियामा कोरोनाका कारण १११ जनाको मृत्यु भएको छ भने ८ हजार ९ सय ६१ जना संक्रमित छन् ।
भारतमा कोरोनाका कारण मृत्यु हुनेको संख्या ८ र संक्रमितको संख्या ४ सय ७१ पुगेको छ ।
-एजेन्सी


प्रतिक्रिया दिनुहोस