काठमाण्डौ: चितवनमा निर्माण भइरहेकाे गौतम बुद्ध अन्तर्राष्ट्रिय क्रिकेट रङ्गशालाको काम स्थगित भएको छ । धुर्मुस सुन्तली फाउण्डेसनले रामपुरमा निर्माण गरिरहेकाे रङ्गशालाको काम अहिलेलाई रोकिएको हाे ।
सरकारले २५ जनाभन्दा बढी भेला नहुन निर्देशन दिएपछि अवस्था सामान्य नहुँदासम्मलाई रङ्गशालाको काम स्थगित गरिएको फाउण्डेसनले विज्ञप्तिमार्फत जनाएको छ । भरतपुर नगरपालिकाले उपलब्ध गराएको २० बिघा ६ कठ्ठा क्षेत्रफलमा रङ्गशाला निर्माण भइरहेकाे छ ।
