काठमाडौँ: नेपाली कांग्रेसभित्र नेपाल विद्यार्थी संघ, तरुण दल र पार्टीका रित्तः विभाग गठनलगायतका विषयमा निरन्तर छलफल भइरहे पनि भागबन्डामै कुरा अड्किएको छ ।
गत २६ मंसिरबाट केन्द्रीय कार्यसमितिको बैठक बस्दै आएको भएपनि संस्थापन पक्षबाहेकका नेता बैठकमा सहभागी भएका छैनन् ।
संस्थापन पक्ष र इतरपक्षले यसबीचमा सहमतिको प्रयास गर्न भन्दै वार्ता टोली नै बनाएर छलफलसमेत गर्दै आइरहेका छन् । तर महाधिवेशनको एजेन्डाबाट शुरू भएको वार्ताको प्रयास पछिल्लो समय भागबन्डामा आएर अड्किएको संस्थापन पक्ष बताउँछ ।
यो समाचार आजको राजधानी दैनिकमा छ ।
