आज :

ताजा समाचार

कृषि तथा पशुपंक्षी क्षेत्रमा ३४ अर्ब ८० करोड विनियोजन

  पुरुषोत्तम ढकाल    १६ जेष्ठ २०७६, बिहीबार ०७:३९      854 Views

काठमाण्डाै ,२०७६ जेठ १६ गते – सरकारले कृषि तथा पशुपंक्षी क्षेत्रमा ३४ अर्ब ८० करोड रुपैयाँ बजेट विनियोजन गरेको छ ।

अर्थमन्त्री डा.युवराज खतिवडाले बुधबार संघीय संसदमा बजेट प्रस्तुत गर्दै कृषि क्षेत्रको विकास, किसानलाई अनुदान, स्वदेश तथा विदेशबाट फर्केका युवालाई कृषि उद्यमी बनाउन ३४ अर्ब ८० करोड रुपैयाँ बजेट विनियोजन गरेको जानकारी दिनुभयो ।

एक स्थानीय तहमा एक प्राविधिक पुर्‍याउने तथा उखु किसानलाई अनुदान दिने सरकारको उद्देश्य छ । तर सरकारले यस वर्ष पनि प्रधानमन्त्री कृषि आधुनिकीकरण कार्यक्रमका लागि ८ अर्ब १० करोड रुपैयाँ बजेट विनियोजन गरेको छ ।

यो कार्यक्रमले केही पहुँच भएका किसानलाई मात्रै फाइदा पुगेको भन्दै आलोचना समेत हुने गरेको छ । तर यो कार्यक्रमलाई सुधार र परिमार्जित गर्नका लागि ८ अर्ब बढी बजेट छुट्याइएको हो । यस्तै सरकारले कृषि क्षेत्रको अनुसन्धानका लागि कृषि तथा वन विश्वविद्यालयलाई अनुसन्धान केन्द्रका रुपमा विकास गर्ने पनि जनाएको छ ।


प्रतिक्रिया दिनुहोस