आज :

ताजा समाचार

अदालतले गरायो हनुमन्ते खोला व्यक्तिको नाममा

  पुरुषोत्तम ढकाल    २२ बैशाख २०७६, आईतवार ०७:४२      218 Views

काठमाडौं – भक्तपुर जिल्ला अदालतले मध्यपुर थिमि( १६ को हनुमन्ते खोलासमेत रहेको १७ रोपनीभन्दा बढी सरकारी जग्गा व्यक्तिको नाममा छुट दर्ता गर्न विवादास्पद आदेश दिएको पाइएको छ ।

भक्तपुर जिल्ला अदालतका तत्कालीन  न्यायाधीश मोहम्मद जुनैद आजादले गत पुस २६ मा लोकन्थलीस्थित हनुमन्ते खोला र दायाँ बायाँको १७ रोपनी १ आना २ दाम १ पैसा जग्गा ललितपुर, इमाडोलका ज्ञानबहादुर थापाका नाममा छुट दर्ता गरिदिन भूमिसुधार कार्यालय भक्तपुरलाई आदेश दिएका हुन् । नापीको नक्सा र मालपोतको स्रेस्तामा कित्ता नं. ४२४ को उक्त जग्गा ‘खोलो र सरकारी’ उल्लेख छ । याे समाचार बलराम बानियाँले कान्तिपुरमा लेखेका छन् ।


प्रतिक्रिया दिनुहोस